🇮🇳ਅਵਤਾਰ ਹੈਨਰੀ ਨੇ 75ਵੇਂ ਆਜ਼ਾਦੀ ਦਿਰਾੜੇ ਮੌਕੇ ਲਹਿਰਾਇਆ ਤਿਰੰਗਾ, ਵਾਰਡ ਨੰਬਰ 54 ਤੋ ਕਾਂਗਰਸੀ ਆਗੂ ਵਿਕਾਸ ਤਲਵਾੜ ਸੈਂਕੜੇ ਸਾਥੀਆਂ ਸਮੇਤ ਹੋਏ ਸ਼ਾਮਲ

ਜਲੰਧਰ (ਹਿਤੇਸ਼ ਸੂਰੀ) : ਪੰਜਾਬ ਦੇ ਸਾਬਕਾ ਕੈਬਿਨੇਟ ਮੰਤਰੀ ਅਵਤਾਰ ਹੈਨਰੀ ਦੇ ਦਫਤਰ ਵਿਚ 75ਵੇਂ ਆਜ਼ਾਦੀ ਦਿਹਾੜੇ ਮੌਕੇ ਸਮਾਰੋਹ ਦਾ ਆਯੋਜਨ ਅਵਤਾਰ ਹੈਨਰੀ ਦੀ ਪ੍ਰਧਾਨਗੀ ਵਿਚ ਕਰਵਾਇਆ ਗਿਆ । ਇਸ ਦੌਰਾਨ ਸ਼੍ਰੀ ਹੈਨਰੀ ਨੇ ਤਿਰੰਗਾ ਲਹਿਰਾਇਆ । ਇਸ ਮੌਕੇ ‘ਤੇ ਵਾਰਡ ਨੰਬਰ 54 ਤੋਂ ਸਮਾਜ ਸੇਵਕ ਅਤੇ ਕਾਂਗਰਸੀ ਨੇਤਾ ਵਿਕਾਸ ਤਲਵਾੜ ਆਪਣੇ ਸੈਂਕੜੇ ਸਾਥੀਆਂ ਸਮੇਤ ਦਫਤਰ ਵਿਚ ਪਹੁੰਚੇ । ਇਸ ਦੌਰਾਨ ਵਿਕਾਸ ਤਲਵਾੜ ਨੇ ਸਾਬਕਾ ਕੈਬਿਨੇਟ ਮੰਤਰੀ ਹੈਨਰੀ ਨਾਲ ਮੁਲਾਕਾਤ ਕੀਤੀ । ਸ਼੍ਰੀ ਹੈਨਰੀ ਨੇ ਸਾਰੇ ਦੇਸ਼ਵਾਸੀਆਂ ਨੂੰ ਆਜ਼ਾਦੀ ਦਿਵਸ ਦੀ ਮੁਬਾਰਕਾਂ ਦਿੰਦਿਆਂ ਕਿਹਾ ਕਿ ਸਾਨੂੰ ਆਜ਼ਾਦੀ ਲਈ ਆਪਣਾ ਬਲਿਦਾਨ ਦੇਣ ਵਾਲੇ ਮਹਾਨ ਸ਼ਹੀਦਾਂ ਦੀਆਂ ਸੰਘਰਸ਼ ਗਾਥਾਵਾਂ ਨੂੰ ਯਾਦ ਰੱਖਣਾ ਚਾਹੀਦਾ ਹੈ, ਜਿਨ੍ਹਾਂ ਸਦਕੇ ਅੱਜ ਅਸੀਂ ਆਜ਼ਾਦ ਫਿਜ਼ਾ ਵਿਚ ਸਾਹ ਲੈ ਰਹੇ ਹਾਂ । ਸਮਾਜ ਸੇਵਕ ਵਿਕਾਸ ਤਲਵਾੜ ਨੇ ਕਿਹਾ ਕਿ ਸਾਨੂੰ ਹਮੇਸ਼ਾ ਉਨ੍ਹਾਂ ਮਹਾਨ ਸ਼ਹੀਦਾਂ ਦੇ ਬਲੀਦਾਨਾਂ ਨੂੰ ਯਾਦ ਰੱਖਣਾ ਚਾਹੀਦਾ ਹੈ, ਜਿਨ੍ਹਾਂ ਨੇ ਭਾਰਤ ਦੀ ਆਜ਼ਾਦੀ ਲਈ ਆਪਣੀਆਂ ਜਾਨਾਂ ਵਾਰ ਦਿਤੀਆਂ । ਸ਼੍ਰੀ ਤਲਵਾੜ ਨੇ ਕਿਹਾ ਕਿ ਸ਼ਹੀਦਾਂ ਦੀ ਸਖਤ ਮਿਹਨਤ ਅਤੇ ਸੰਘਰਸ਼ ਸਦਕਾ ਹੀ ਭਾਰਤ ਨੂੰ ਪੂਰਨ ਸਵਰਾਜ ਹਾਸਲ ਹੋ ਸਕਿਆ ਹੈ । ਇਸ ਮੌਕੇ ਸੁਮੀਤ ਅਰੋੜਾ, ਕਰਨ ਖੁੱਲਰ, ਜਤਿਨ ਕਨੋਜੀਆਂ, ਸੋਢੀ, ਅਨਮੋਲ, ਰਵੀ ਸਰੋਆ, ਰਾਜੂ, ਸਨੀ, ਗਜੁ, ਰਾਮ ਸਰੂਪ, ਰਮੇਸ਼ ਕਪੂਰ, ਅਭੀ ਚੋਪੜਾ, ਕਾਸ਼ੀਰਾਮ, ਬੰਟੀ ਚੌਹਾਨ, ਕਾਸ਼ੀਰਾਮ ਸਰੋਆ, ਮਿਥੂਨ, ਸਨੀ ਢਾਲੀਆਂ, ਆਨੰਦ ਚੰਦੇਲ, ਅਜੈ ਚੋਪੜਾ, ਜਤਿਨ ਵਰਮਾ ਆਦਿ ਵੀ ਮੌਜੂਦ ਸਨ ।